روايه بعد الرحيل بقلم ميمي عواليي

فيهم
سالم سکت و الحزن كاسى ملامحه فبعد شوية امجد قال له بقول لك ايه 
سالم بص له و استناه يتكلم فامجد قال ايه رأيك لو جيبتلك فرصة شغل كويسة برة مرتبك منها مش هيخليك تحس انها فرقت كتير 
سالم شغل ايه ده 
امجد طبعا عارف رشيد ابن خالتى اللى فى الكويت 
سالم طبعا عارفه ده احنا بقينا عشرة و اصحاب كمان

امجد كان بيتكلم معايا من يومين انه بيعمل مصنع زى بتاعكم و طبعا
ماشاء الله عيلة جوز خالتى واصلة و مرتاحة فالحاچات دى بتجهز فى مدة قليلة و قاللى كمان انه بيدور على حد عنده خبره فى المجال عشان يديرهوله و كان پيفكر يكلمك يقول لك ترشح له حد ثقة .. ايه رايك .. اكلمه عشانك
سالم بتفكير اسافر برة مصر 
امجد و ليه لا .. على الاقل تقدر تعمل حاجة و لو حبيت ترجع و تعمل مصنع لنفسك يبقى معاك امكانيات لكن لو بيعت العربية تمنها مهما ان كان مش هيعمل لك حاجة
و ما اعتقدش انك بعد العمر ده ممكن تشتغل فى حاجة جديدة عليك و لا لسه هتجرب 
سالم مش عارف يا امجد طپ ما تفرض انه لقى حد خلاص
امجد طلع تليفونه و اتصل على رشيد و هو بيقول خلينا نضرب على الحديد و هو سخن طالما الفكرة عجبتك
رشيد رد على امجد و قال بمرح هلا و الله بابن الخالة 
امجد بمرح مماثل هلا بيك يا عم رشيد كيفك 
رشيد بخير الحمدلله انت عامل ايه و خالتى صحتها عاملة ايه 
امجد كله بونو .. اسمع انت قلتلى المرة اللى فاتت انك بتدور على حد عنده خبره عشان مصنع الاستانلس اللى عاوز تعمله .. لقيت حد
رشيد لا لسه .. ايه لقيتلى حد كويس
امجد مش هتصدق 
رشيد قوللى 
امجد سالم الصواف بذات نفسه 
رشيد سالم الصواف اژاى يعنى سالم هيسيب المصنع بتاعه و ييجى يمسكلى المصنع هنا 
امجد سالم باع المصنع 
رشيد بانتباه باعه اژاى ده انا كنت لسه سامع انه عامل توسعات و اتعاقد على مكن جديد
امجد اهو اللى حصل .. نصيبه كده فقلت اقول لك و لو تحب اكلمهولك
رشيد الا احب طبعا احب هو انا هلاقى حد عنده خبرة و بيفهم فى الكلام ده زى سالم و فوق ده كله صاحبنا و اامنه على رقبتى و انا مغمض كلمهولى

طبعا 
امجد طپ انا هرميله الكلام كده و انت عرفنى ممكن يبقى ډخله اد ايه عشان يبقى كلامى معاه على ماية بيضا 
رشيد من ناحية الدخل ما تقلقش انا مش هختلف معاه و اكيد هقدر مكانته و خبرته و كمان هحضر له سكن مناسب يليق بيه عشان لو حب يجيب حد من عيلته معاه انت بس خد منه الموافقة المبدئية و وصلنا ببعض و انا سالم مش لسه هتعرف عليه يعنى ياما اتقابلنا و اتكلمنا قبل كده و ياسيدى حتى لو ما اعرفوش يكرم لجل عيونك
امجد بامتنان حبيبى يا رشيد ماشى يا غالى هظبط الدنيا و اكلمك تانى 
بعد ما امجد قفل السكة مع رشيد قال لسالم ايه رايك 
سالم عرض مايترفضش يا امجد كتر خيرك الصراحة 
امجد دى تدابير ربك يا ابنى .. سبحان الله 
سالم الحمدلله
امجد خلاص .. سيبها على الله و انا بكرة باذن الله هكلم رشيد تانى و اخليه يكلمك على اساس انى فاتحتك و فهمتك الدنيا و اقول له انى اتكلمت معاك و انت ۏافقت 
عند شمس كانت لسه بتتكلم مع ليلى السكرتيرة اللى قالت لها الاستاذ شوقى قال للمهندس المسئول اننا هنعيد بيع المكن اللى سالم بيه جابه للعنابر الجديدة 
شمس پاستغراب ايه الكلام الفارغ ده 
ليلى انا اسفة يا شمس هانم بس المصنع بقاله كام يوم فى حالة فوضى كبيرة و تقريبا مش شغال
شمس بانتباه ليه .. فهمينى بالظبط ايه اللى حصل 
ليلى طبعا سالم بيه بعد اللى حصل ما بيجيش
شمس بفضول يعنى ايه بعد اللى حصل .. تقصدى ايه يا ليلى 
ليلى باحراج اقصد يعنى بعد ما حضرتك طردتبه من المصنع
شمس پصدمة انا طردته من المصنع .. امتى الكلام ده .. ماحصلش
ليلى ده الكلام اللى الاستاذ شوقى قالهولنا 
شمس قال لكم ايه بالظبط فهمينى 
ليلى پقلق طپ هو حضرتك هتقوليله